Publikuar më: 27/01/2023
Ministrja Ekonomi takon Ambasadoren greke, në fokus bashkëpunimi dypalësh
Ministrja e Shtetit për Standardet e Shërbimeve Milva Ekonomi priti në një takim Ambasadoren e Greqisë, znj. Konstantina Kamitsi, ku diskutoi nga afër bashkëpunimin dypalësh. Ministrja Ekonomi pati rastin ti prezantonte Ambasadores Kamitsi punën transformuese që qeveria shqiptare ka bërë në digjitalizimin e shërbimeve publike, e të mirëqeverisjes. Gjatë takimit u ra dakort të zhvillohet më tej komunikimi në shkëmbimin e eksperiencave të dy vendeve tona në këtë aspekt.